42473

Tal día como hoxe pero do ano 2003 tocou o gordo a escasos 3 metros da miña casa, nun bar dunha aldea dun pobo dun concello dunha provincia da Coruña, o bar Lino, no Araño!
Aquel día foi increible: tocara o GORDO nunha aldeiña, non era o de sempre en plan gran cidade, non, non, foi no Araño, en Rianxo.
O malo dese día foi non poder disfrutalo en vivo e en directo,levaba apenas 2 meses traballando e doume reparo pedirlle o día libre ó xefe para ir á miña casa, ó bar de toda a vida a celebrar o acontecido, polo que tiven que vivir a emoción a 80 kilómetros. Arrepíntome de non haber saido correndo no coche e estar naquela festa, sobre todo porque ese día o meu avó que levaba uns dous anos na cama decidiu levantarse e ir ó bar, era millonario e a ocasión merecíao.Non puden ver como ós seus 86 anos, él que digamos non viveu nunca na abundancia agora tocáralle a lotería.Foron moitos os veciños que tiñan un décimo, non quero caer no de sempre, en decir que tocoulle a quen lle facía falta pero foi así. Toulle a familias que o necesitaban, o gordo sacounos de hipotecas, de vivir agobiados, de non chegar a fin de mes...
Xa fai catro anos diso é o balance que podo facer pasa por ter un coche , é a miña única posesión je pero é meu, gracias ó meu avó , e a vez á miña nai porque él reparteu ás fillas e as fillas ós seus fillos..... Preferiría non ter coche, que aquel día non pasase nunca e que él estivese aquí.

Hoxe tocou o gordo, como tódolos anos, e entre outros lugares tocou en dous sitios de Galia: Santiago e Carballo. Noraboa ós agraciados.