las consecuencias de un octubre seco
Un incendio intencionado arrasó 16 hectáreas en Moaña y otro amenazó anoche varias casas en A Guarda
Non sei a donde imos a ir a parar, pero aqui temos outro "minipunto" para sumar ó impacto medioambiental. Os incendios que asolaron boa parte de Galicia o verán pasado deixaron un panorama desolador. A zona donde vivo ( Rianxo) foi unha das máis castigadas polos incendios, aínda hoxe (e pasará durante moito tempo) se nontan as secuelas deses fatídicos días. O redor do meu pobo só se ven árbores queimados, quedan pequenos "cachiños" de monte que se salvaron das lapas, como o que hai ó lado da miña casa, todo un privilexio.
O incendio do 25 de Agosto foi unha tortura para os membros da miña familia, tíñamos a casa rodeada por varios focos, meu pai e irmáns subirón a tentar que non chegase o lume que se desprendía a escasos metros pola parte de arriba da nosa casa. Miña nai, uns veciños y eu situados na parte de abaixo da casa facendo o mesmo no outro monte cercano.Foron horas de angustia, non pódiamos respirar ben, a luz cortouse a causa do lume e apenas podíamos vernos os uns ós outros, a axuda non chegaba e o Concello tiña tódolos medios saturados.
Finalmente e tras varias horas de desesperación ; o meu pai que é un Heroe conseguiu facer un cambio de sentido (aínda non entendo moi ben como fixo) e o lume marchou noutra dirección. Gracias a él, a nosa casa e a dos veciños, está en pé, e podemos disfrutar dese cachiño verde do que vos falei antes.